اس جلسہ کو معمولی جلسوں کی طرح خیال نہ کریں یہ وہ امرھے جس کی خالص تاید حق اور اعلاے کلمہ اسلام پر بنیاد ھے۔ اس سلسلہ کی بنیادی اینٹ خدا تعالی نے اپنے ہاتھ سے رکھی ھے۔ اور اس کے لیے قومیں تیار کی ھیں جوعنقریب اس میں آ ملیں گی۔

(اشتہار دسمبر ۱۸۹۳ء)

ھریک صاحب جو اس للہی جلسہ کے لیے سفر اختیار کریں۔ خدا تعالی ان کے ساتھ ھو اور ان کو اجر عظیم بخشے اور ان پر رحم کرے اور ان کی مشکلات اور اضطراب کے حالات ان پر آسان کر دیوے اور ان کے ھم و غم دور فرما دے۔ اور ان کو ھریک تکلیف سے مخلصی عنایت کرے اور ان کی مرادات کی راھیں ان پر کھول دیوے اور روز آخرت میں اپنے ان بندوں کے ساتھ ان کو اٹھاوے جن پر اس کا فضل ورحم ھے اور تا اختتام سفر ان کے بعد ان کا خلیفہ ھو۔ اے خدا اے ذوالمجد و العطاء اور رحیم اور مشکل کشا یہ تمام دعایں قبول کر اور ھمیں ھمارے مخالفوں پر روشن نشانوں کے ساتھ غلبہ عطا فرما کہ ھریک قوت اور طاقت تجھ ھی کو ھے۔ آمین ثم آمین۔

واسلام علی من اتبع المہدی الراقم خاکسار غلام احمد از قادیان ضلع گورداسپور۔ عفی اللہ عنہ

(مجموعہ اشتھارات جلد ۱ صفحہ ۳۴۲)